Пра сваю бяспеку Еўропе давядзецца паклапаціцца самастойна

І чым хутчэй, тым лепей.

Міністр абароны Піт Гегсет выдаў кіроўны дакумент для супрацоўнікаў Пентагона, паводле якога войска ЗША пераарыентуецца на стрымліванне спробы Кітая захапіць Тайвань і на ўзмацненне абароны ўласнай тэрыторыі.

Як піша The Washington Post, мемарандум Гегсета апісвае бачанне прэзідэнта Дональда Трампа: падрыхтоўку да патэнцыйнай вайны з Пекінам і абарону ЗША ад пагроз у «блізкім замежжы» — уключаючы Грэнландыю і Панамскі канал.

Згодна з дакументам, Пентагон націсне на хаўруснікаў у Еўропе, на Блізкім Усходзе і ва Усходняй Азіі, каб яны павялічылі выдаткі на абарону і ўзялі на сябе асноўную ролю ў стрымліванні пагроз з боку Расеі, Паўночнай Карэі і Ірана, зазначае выданне.

Тое, што ЗША засяродзяць на Інда-Ціхаакіянскім рэгіёне, было цалкам чакана. Больш за тое, Кітай быў вызначаны асноўнай пагрозай для ЗША як за першай адміністрацыяй Трампа, так і за адміністрацыяй Байдэна. Сам Трамп яшчэ ў сваю першую кадэнцыю патрабаваў ад краін NATO павялічыць выдаткі на абарону - хаця б да нарматыўнага ўзроўню 2% ВУП, прадугледжанага для краін альянсу.

Еўрапейскія лідары не жадалі слухаць Вашынгтон. А зараз у іх няма выбару: ЗША больш не будуць ахоўваць Еўропу так, як рабілі гэта раней. У еўрапейскіх палітыкаў, імаверна, вялікая спакуса заняць чакальную пазіцыю і супакойваць сябе тым, што Трамп - не назаўжды. Але гэта можа прывесці да чарговай грандыёзнай памылкі. Пра сваю бяспеку еўрапейцам давядзецца паклапаціцца самастойна — і чым хутчэй, тым лепш.

Леанід Неўзлін, «Фэйсбук»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com