«З усмешкай на твары»: Канада можа спыніць пастаўкі электрычнасці ў ЗША

Кіраўнік правінцыі Антарыё заклікаў далучыцца да яго ініцыятывы.

Кіраўнік урада канадскай правінцыі Антарыё Даг Форд заявіў, што гатовы «з усмешкай на твары» спыніць пастаўкі электраэнэргіі ў ЗША ў якасці кроку ў адказ на ўвод тарыфаў у дачыненні да Канады. Нью-Ёрк, Мічыган і Мінесота з'яўляюцца трыма найбуйнейшымі спажыўцамі электраэнэргіі, якая вырабляецца ў Антарыё, піша torontosun.com.

Форд зрабіў заяву 3 сакавіка падчас выступу на з'ездзе горназдабыўной прамысловасці ў цэнтры Таронта. «Калі яны [ЗША] хочуць паспрабаваць знішчыць Антарыё, я зраблю ўсё, уключаючы адключэнне іх энэргіі, з усмешкай на твары», - сказаў Форд. Злучаныя Штаты з'яўляюцца буйным спажыўцом канадскай электраэнэргіі: усе амерыканскія энэргасістэмы, за выключэннем Тэхаса, злучаныя з канадскімі правінцыямі.

У 2023 годзе ЗША імпартавалі блізу 33 ТВт-ч (тэрават-гадзін) з канадскіх электрастанцый. Паводле звестак Канадскага энэргетычнага рэгулятара, Канада атрымала 5,8 млрд даляраў за продаж канадскай электраэнэргіі ў ЗША, прычым Квебек і Антарыё лідаруюць сярод іншых правінцый.

«Калі яны [ЗША] хочуць нанесці нам моцны ўдар, мы адкажам ўдвая мацнейшым», - паабяцаў Форд. Ён заклікаў іншыя канадскія рэгіёны, напрыклад, Квебек, Брытанскую Калумбію і Манітобы - аб'яднаць намаганні ў гэтым пытанні і дзейнічаць разам.

Прэзідэнт ЗША 2 лютага падпісаў указ аб увядзенні мытаў на тавары з Канады, Мексікі і Кітая. Імпартныя мыты ЗША ў суме 25% уводзіліся на ўсе тавары з Канады, акрамя энэргарэсурсаў, на якія стаўка склала 10%. На тавары з Мексікі сума мыты таксама была роўнай 25%, аднак Трамп затым абвясціў аб іх часовым прыпыненні на месяц для правядзення перамоў з уладамі краіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]