Беларусам дазволілі перасякаць мяжу з Польшчай без удзелу памежнікаў

У пункце пропуску «Брэст» пачаліся выпрабаванні новай сістэмы.

На беларуска-польскай мяжы, у пункце пропуску «Брэст», пачаліся выпрабаванні новай сістэмы - аўтаматычны комплекс пагранічнага кантролю. Ён дазволіць грамадзянам з біяметрычнымі пашпартамі праходзіць памежны кантроль без удзелу памежніка.

Неабходнасць укаранення такой сістэмы, як адзначыў афіцыйны прадстаўнік Берасцейскай пагранічнай групы Сяргей Дзмітрыеў, звязаная з тым, што «Брэст» — адзіны дзейны на гэты момант аўтамабільны пасажырскі пункт пропуску на ўсёй беларуска-польскай мяжы. Раней аналагічны комплекс паспяхова прайшоў праверку ў менскім аэрапорце, паведаміла агенцтва БелТА.

Аўтаматычныя кабіны пагранкантролю працуюць у Берасці блізу тыдня. Два тэрміналы ўсталяваныя ў зале афармлення і даступныя для грамадзян Беларусі, старэйшых за 18 гадоў, якія выязджаюць з краіны і маюць біяметрычныя пашпарты.

Начальнік аддзялення памежнага кантролю «Варшаўскі мост» Дзмітрый Брыштэль апісаў працэдуру: «Грамадзяне падаюць свае біяметрычныя дакументы, рэгіструюцца, пакідаюць біяметрычныя звесткі, затым ідуць на пэўны канал афармлення, выдзелены для праходжання ў аўтаматычным рэжыме. Зрахаваўшы звесткі, праходзяць для пасадкі ў свой транспартны сродак».

Памежнікі падкрэслілі, што праходжанне кантролю праз аўтаматычны комплекс - гэта права, а не абавязак. Беларусы па-ранейшаму могуць выбраць традыцыйны спосаб афармлення.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]