Фінтэх-стартап з беларускімі каранямі атрымаў 10 млн еўраў інвестыцый

Ацэнка стартапу вырасла да больш як 35 мільёнаў еўраў.

Літоўскі фінтэх-стартап з беларускімі каранямі myTU паспяхова закончыў інвестыцыйны раўнд A, здолеўшы прывабіць 10 мільёнаў еўраў пры запланаваных 9 мільёнах. Новыя сродкі мяркуецца накіраваць на маштабаванне лічбавай банкаўскай платформы, піша devby.io.

Раўнд узначалілі існыя акцыянеры, якія павялічылі свае дзелі, а таксама два стратэгічныя інвестары – даўнія бізнэс-партнёры кампаніі. Дзякуючы паспяховаму раўнду ацэнка myTU вырасла да больш чым 35 мільёнаў еўраў.

Новыя сродкі дазволяць пашырыць сферу паслуг за кошт выхаду на рынкі крэдытавання, маштабавання ШІ-ідэяў і хмарных тэхналогій, а таксама падрыхтоўкі да атрымання паўнавартаснай банкаўскай ліцэнзіі. Кампанія плануе дасягнуць прыбытковасці ў 2025 годзе.

«Наша тэхналогія дазваляе нам устойліва маштабавацца, а гэтыя інвестыцыі стануць палівам для наступнага этапу нашага шляху. Мы ствараем банкаўскую платформу, якая не проста арыентаваная на лічбавы фармат, а па-сапраўднаму лічбавая», – заявіў генеральны дырэктар myTU Раман Корнеў.

myTU заснаваны ў 2019 годзе (зарэгістраваны ў Вільні), прапануе паслугі мабільнага і лічбавага банкінгу для прыватных і бізнэс-кліентаў. У стартапе працуе 25 чалавек. У 2022 годзе myTU прывабіў блізу 5 мільёнаў еўраў ад бізнэс-анёлаў, а ўсяго з моманту заснавання – блізу 7 мільёнаў еўраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]