Лукашэнка ратыфікаваў закон аб узаемных гарантыях бяспекі з Расеяй

Ён прадугледжвае размяшчэнне расейскіх вайсковых аб'ектаў на тэрыторыі Беларусі.

Дыктатар Беларусі Аляксандр Лукашэнка падпісаў закон «Аб ратыфікацыі Дамовы паміж Рэспублікай Беларусь і Расейскай Федэрацыяй аб гарантыях бяспекі ў рамках саюзнай дзяржавы», паведамляе прэс-служба ўзурпатара.

Адзначаецца, што ў дамове замацаваныя ўзаемныя гарантыі ажыццяўлення неабходных захадаў у выпадку замахаў на бяспеку Беларусі і Расеі, а таксама «саюзнай дзяржавы» ў цэлым.

«Выкананне абавязальніцтваў прадугледжвае калектыўнае процідзеянне аднабаковым абмежавальным захадам эканамічнага і іншага характару, выкарыстанне бакамі патэнцыялу сваіх стасункаў з іншымі дзяржавамі і іншымі суб'ектамі міжнароднага права для прадухілення замахаў на бяспеку, ужыванне захадаў у адказ не толькі на здзейсненыя акты агрэсіі, але і на пагрозы іх здзяйснення, а таксама неадкладную неабходную ваенную, ваенна-тэхнічную ды іншую дапамогу», – гаворыцца ў паведамленні.

Дамова была падпісаная Лукашэнкам і Пуціным у снежні 2024 года. Яна прадугледжвае размяшчэнне расейскіх вайсковых аб'ектаў на тэрыторыі Беларусі. Таксама ў ёй змяшчаюцца палажэнні аб ужыванні ядзернай зброі.

28 лютага аналагічны закон аб ратыфікацыі дамовы падпісаў кіраўнік Расеі Уладзімір Пуцін.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]