«Калі што, я нават гатовы ўзяцца за зброю»
11- 4.03.2025, 20:22
- 10,238
Просты беларус у TikTok скарыў сэрцы палякаў.
Гэтае відэа з беларусам у Польшчы было апублікаванае два месяцы таму, але да гэтага часу абмяркоўваецца ў сацыяльных сетках. Пажылы мужчына ў кепцы з польскім гербам спадабаўся палякам сваім стаўленнем да іх краіны – настолькі, што сабраў сотні тысячаў праглядаў, піша «Люстэрка».
Ролік з'явіўся на TikTok-старонцы выдання podatkimeritum.pl 7 студзеня. Цяпер відэа набрала 828000 праглядаў і амаль 1300 каментароў.
Гэта вулічнае апытанне, у якім паўудзельнічаў беларус. Сталы мужчына ў кепцы з польскім гербам у кадры прыкметна хвалюецца.
Ён сцвярджае, што ён уцякач з Беларусі. Яго спыталі, дзе ўмовы працы лепшыя – у Беларусі ці Польшчы:
«Па-рознаму. Там, дзе я цяпер працую, значна лепш [чым у Беларусі], таму што гэта прыватнае прадпрыемства. У Менску я працаваў на дзяржаўным прадпрыемстве, і там было цяжка».
Беларус падкрэсліў, што польскага заробку яму цалкам стае, і прынцып «заўсёды мала» тут не працуе – мужчына задаволены сваёй працай.
Потым яго спыталі, чаго ён хоча для сябе:
«Я хацеў бы, каб палякі захавалі незалежнасць. Калі што, я нават гатовы ўзяць у рукі зброю і змагацца. […] Я толькі што быў у царкве і прасіў у Бога літасці да мяне».
Ветлівы і прыязны беларус скарыў сэрцы палякаў. Вось толькі некаторыя з сотняў каментароў:
«Беларусы – самыя прыязныя і блізкія нам людзі».
«Беларусы заўсёды былі выдатнымі людзьмі».
«Брава! Беларусы – нашы браты».
«Прыемны, мілы пажылы чалавек, які паважае нашу краіну».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
