У Маскве збілі валанцёра «СВА»
16- 5.03.2025, 18:33
- 19,104
За выкарыстанне Z-сімволікі.
У РФ збілі валанцёра, які прывозіць дапамогу акупантам, за знак Z на ягоным аўто.
Пра гэта паведамляюць расейскія СМІ, заўважыў сайт New Voice. Акупант Ягор Жалезнякоў распавёў, што неаднаразова ездзіў у зону «СВА» надаваць гуманітарную дапамогу як байцам, так і цывільным. На шыбе яго аўтамабіля налеплены сімвал «спецаперацыі» Z і групоўкі войск «Поўнач», што прыцягнула ўвагу невядомага.
Інцыдэнт здарыўся 2 сакавіка ў маскоўскім раёне Чартанава Паўднёвае. Акупант прыпаркаваў аўтамабіль у двары дома, «нікому не загароджваючы праезд», а на наступную раніцу выявіў, што ў яго праколатыя два заднія колы.
На працу прапагандыст паехаў на таксоўцы, а праз знаёмых папрасіў прагледзець камеры назірання ў пад'ездзе і ўстанавіць таго, хто пракалоў шыны.
«Увечары, дадому вяртаючыся, я набіраю ў аддзел, прашу даслаць патруль. Сказалі, што праз некаторы час будзе. Я застаўся чакаць. Пакуль чакаў, гляджу, ён ідзе – твар жа я яго бачыў на відэа. Я да яго падышоў цалкам спакойна, без наездаў, бо ён ішоў з маленькім дзіцем, мабыць, з садка, кажу: «Друг, навошта сапсаваў аўтамабіль?» — і яго выразны адказ быў: «За зэтку», — паскардзіўся прапагандыст.
Пасля гэтага пачалася слоўная сварка. Ён крычаў, што ненавідзіць усіх удзельнікаў і тых, хто дапамагае «СВА», пачаў размахваць рукамі, скардзіўся расеец журналістам. Затым схапіў «валанцёра» за галаву і прыгразіў разбіць яго галавой «шыбу з зэткай».
У нейкі момант Жалезнякову ўдалося вырвацца і выклікаць 112, аднак нападнік уцёк да прыезду хуткай і паліцыі. Яго адвезлі ў шпіталь, а пасля агляду расеец паехаў у аддзяленне паліцыі і напісаў заяву.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
