Першая сёлета навальніца прагрымела ў Віцебску

Яна суправаджалася злівай, грымотамі, маланкамі і градам.

Першая сёлета навальніца прагрымела ў Віцебску 4 сакавіка. Яна прайшла блізу 23-й гадзіны і суправаджалася залевай, грымотамі, маланкамі і градам дыяметрам 6 мм.

Такую самую карціну зафіксавалі і на метэаралагічнай станцыі Езярышчы ў Гарадоцкім раёне.

Сіноптыкі тлумачаць навальніцу анамальна цёплым надвор'ем на Віцебшчыне, паколькі звычайна навальніцы характэрныя для летняга часу. Цяпер жа сярэднесутачная тэмпература перавышае норму на 6 градусаў, кажа кіраўніца аддзела «Віцебскаблгідрамета» Наталля Байдук.

«Прычына сакавіцкай навальніцы – у высокай няўстойлівасці ў атмасферы, звязанай з праходжаннем халоднага атмасфернага фронту, які прыйшоў на тэрыторыю нашай краіны з Прыбалтыкі», – дадае спецыялістка.

Дарэчы, з 1936 года сакавіцкія навальніцы ў Беларусі фіксавалі ўсяго дзесяць разоў. Прычым за гэтыя ж 89 гадоў было зафіксавана 55 выпадкаў навальніцы ў красавіку, а ў траўні – 295. Абсалютным рэкардсмэнам у навальніцах метэаролагі называюць ліпень – 568 навальніцаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]