ФІФА прапанавалі павялічыць да 64 колькасць нацыянальных каманд на ЧС-2030 у футболе

Чэмпіянат свету 2030 года пройдзе на трох кантынентах.

Міжнароднай федэрацыі футбола (ФІФА) прапанавалі разгледзець магчымасць аднаразовага пашырэння чэмпіянату свету ў 2030 годзе да 64 нацыянальных каманд, а кіраўнік арганізацыі Джані Інфантына назваў ідэю «цікавай» і палічыў патрэбным яе вывучыць, піша The New York Times.

Прапанова «была спантанна зробленая чальцом рады ФІФА ў пункце парадку дня «рознае» бліжэй да канца» пасяджэння, заявілі ў ФІФА і адзначылі, што ідэю прынялі да ўвагі, бо «ФІФА абавязаная аналізаваць усякую прапанову ад аднаго з чальцоў сваёй рады».

З ініцыятывай выступіў прадстаўнік Уругвая - краіны, якая прымала ЧС-1930 і будзе адной з гаспадынь турніру праз сто гадоў.

Крыніцы газеты апісалі рэакцыю прадстаўнікоў іншых краін на прапанову як «ашаламляльнае маўчанне» і мяркуюць, што за ім рушыць услед «вялікае абурэнне». Аднак ФІФА пры прыняцці пастановы будзе ўлічваць не толькі спартовы аспект, але і фінансавую і палітычную выгаду.

Пашырэнне турніру можа знізіць цікавасць вяшчальнікаў, стварыць больш лагістычных праблем і зрабіць бессэнсоўнымі адборачныя турніры - у Паўднёвай Амерыцы на ЧС-2026 могуць трапіць ужо сем з дзясяці нацыянальных каманд.

Чэмпіянат свету 2030 года пройдзе на трох кантынентах - большасць матчаў прымуць Гішпанія, Партугалія і Марока, яшчэ тры гульні адбудуцца ў Парагваі, Уругваі і Аргенціне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]