Туск: Саміт ЕЗ падтрымае стварэнне «Усходняга шчыта»

ЕЗ пабудуе сістэму ўмацаванняў на межах з Беларуссю і РФ.

У рамках саміту ЕЗ у Брусэлі плануюць ухваліць праект «Усходні шчыт», які прадугледжвае будаўніцтва сістэмы ўмацаванняў на межах з Беларуссю і РФ. Пра гэта 6 сакавіка заявіў прэм'ер-міністр Польшчы Дональд Туск падчас размовы з журналістамі, відэа ў YouTube апублікавала канцылярыя чыноўніка.

Паводле словаў Туска, да праекту, ініцыяванага Польшчай, далучацца і іншыя краіны Еўрапейскага Звязу.

«Фінляндыя, краіны Балтыі, таксама я сёння размаўляў з прэзідэнтам Румыніі – усе яны хочуць быць часткай гэтага буйнога праекту ў абароне ўсходняй мяжы Еўропы, сярод іншага, за еўрапейскія сродкі», – сказаў польскі прэм'ер.

Ён зазначыў, што абарона ўсходняй мяжы ЕЗ стала прыярытэтам, у неабходнасці якога ўжо ніхто не сумняваецца.

«Гэта таксама азначае фінансавую і інфраструктурную падтрымку», – дадаў Туск.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]