Сіноптыкі распавялі, якім будзе надвор'е на 8 сакавіка
- 7.03.2025, 18:18
- 1,386

Сапраўдная вясна.
У суботу, 8 сакавіка, у Беларусі будзе без ападкаў. Уначы і раніцай магчымы слабы туман, але толькі месцамі. У начны час тэмпература паветра складзе ад -2 да +4 градусаў (у Менску - ад +2 да +4), у дзённыя гадзіны - ад +13 да +19 (у сталіцы - 14-16 цяпла).
У нядзелю пераважна без ападкаў. Уначы будзе ад -2 да +3, удзень - ад +9 на поўначы да +18 на поўдні. У панядзелак таксама істотных ападкаў не прагназуецца. У начныя гадзіны чакаецца ад -1 да +5, у дзённыя гадзіны - ад +9 на поўначы да +19 на паўднёвым захадзе краіны.
Пахаладанне чакаецца на наступным тыдні.