Гомельская вобласць буйна «падвяла» Лукашэнку

Праваленае важнае «заданне».

Пра падзенне экспарту ў Расею прадукцыі прадпрыемстваў Гомельскай вобласці, сярод іншага ААТ «Гомсельмаш», стала вядома з дакумента, які апублікавала выданне «Позірк».

Размова ідзе пра Пратакол даручэнняў, складзены пасля пасяджэння профільнай міжведамаснай працоўнай групы. У дакуменце канстатуецца «крытычна нізкі ўзровень» чаканых у 2025 годзе паказнікаў экспарту ў РФ.

За студзень і першы квартал гэтага года працоўная група «прыняла да ўвагі» прагноз на экспарт у РФ у прадпрыемстваў Гомельскай вобласці на ўзроўні 82% у параўнанні з аналагічным паказнікам 2024 года. Гэта самы нізкі паказнік у краіне.

Верагодна, віноўнік правалу – «Гомсельмаш». Аналагічныя звесткі прыведзеныя пра шэраг прамысловых прадпрыемстваў, сярод якіх «Гомсельмаш» займае апошняе месца. Прагноз на экспарт ягонай прадукцыі ў Расею ў студзені і першым квартале гэтага года – усяго 26,9% да леташніх паказнікаў.

У сувязі з гэтым гомельскаму прадпрыемству далі заданне – «забяспечыць сістэмны штодзённы кантроль працы маркетынгавай службы ў экспарце ў расейскія рэгіёны». Дарэчы, у канцы 2024 года паведамлялася, што 85% экспарту «Гомсельмаша» ідзе менавіта ў Расею.

У цэлым у краіне рызыкі зніжэння экспарту ў РФ звязваюць з «недастатковым узроўнем закантрактаванасці запланаваных аб'ёмаў экспарту тавараў».

Таксама ў дакуменце адзначаецца, што Гомельская вобласць – у ліку тых, хто не выканаў «свае абавязальніцтвы ў пастаўках у Расею» паводле вынікаў 11 месяцаў 2024 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]