УСУ палепшылі тактычнае становішча на важным кірунку

Украінскія вайскоўцы атрымалі яшчэ адну перавагу.

Узброеныя сілы Украіны (УСУ) спынілі наступ расейскіх войскаў на Пакроўскім кірунку ў Данецкай вобласці і праводзяць контратакі на некалькіх дзялянках уздоўж усходняга фронту. Гэта дазволіла ім значна палепшыць тактычнае становішча. Пра гэта ў эфіры тэлеканала FREEДОМ сёння, 9 сакавіка, паведаміў вяшчальнік Украінскай добраахвотніцкай арміі (УДА) Сяргей Братчук.

«Контратакавальныя дзеянні дазваляюць казаць, што сітуацыя для УСУ паволі стабілізуецца. Працягваюцца вялікія страты ў ворага. Яны вельмі істотныя. І калі ў статыстыцы ад Генеральнага штаба УСУ лічбы могуць крыху ўпасці, гэта не сведчыць аб тым, што нашы ваяры сталі менш знішчаць супраціўніка. Наадварот — у расейцаў становіцца менш рэсурсаў для таго, каб праводзіць наступальныя дзеянні такой жа інтэнсіўнасці», — расказаў ён.

Братчук адзначыў, што баявых сутыкненняў, якія сёння адбываюцца на Пакроўскім кірунку, стала менш. Аднак інтэнсіўнасць баёў не падае.

«У кожным выпадку вораг працягвае наступ і праводзіць тактыку малых груп. Гэта калі адна з груп праходзіць, спрабуе замацавацца, а за ёй ідзе наступная, з мэтай замацавання. Вось такім чынам у ворага выходзіць прасоўванне», — растлумачыў вяшчальнік.

Вайна на гэтым кірунку, паводле ягоных слоў, становіцца больш тэхналагічнай.

«Сітуацыю на Пакроўскім сэктары фронту на 80% сёння кантралююць дроны. Вядома, за дронамі знаходзіцца чалавек. Надвор'е на сёння дазваляе максімальна трымаць сітуацыю пад кантролем. Ёсць і кантроль з нашага боку за тымі лагістычнымі шляхамі, якімі войска Расеі спрабуе папаўняць свае рэсурсы. Адпаведна, ёсць тактычнае паляпшэнне нашых пазіцый, што дае нам яшчэ адну перавагу», — сказаў Братчук.

Што да іншых кірункаў баявых сутыкненняў, прадстаўнік УДА дадае: сітуацыя застаецца дынамічнай, і вораг спрабуе атакаваць на ўсіх дзялянках фронту.

«Спадзяюся, што сітуацыя на фронце, прынамсі, не будзе станавіцца горшай. Сілы абароны Украіны сёння маюць выразную камунікацыю ва ўправе УСУ. Гэта вельмі важны чыннік. Тут мы можам адзначыць намаганні вайсковага камандавання, якое працуе беспасярэдне на Пакроўскім кірунку, што дазваляе войскам выконваць неабходныя задачы. І мы бачым, як змянілася сітуацыя каля Пакроўска з тым, што ёсць цяпер, а што было яшчэ літаральна на пачатку студзеня гэтага года», — падсумаваў Братчук.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]