Расея, Кітай і Іран правядуць супольныя вучэнні ў Індыйскім акіяне

Яны адбудуцца ў першай палове сакавіка.

Вайскова-марскія сілы Кітая, Расеі і Ірана правядуць у першай палове сакавіка супольныя вучэнні ў акваторыі Аманскай затокі паблізу іранскага порта Чабахар. Пра гэта паведамляе «Медуза» са спасылкай на міністэрства абароны Кітая.

Паводле звестак міністэрства, вайскова-марскія вучэнні накіраваныя на "паглыбленне ўзаемнага даверу і прагматычнага супрацоўніцтва паміж узброенымі сіламі трох краін".

Іранскае агенцтва навін Mehr пацвярджае інфармацыю аб планаваных вучэннях у паўночнай частцы Індыйскага акіяна. Паводле звестак выдання, яны стартуюць 11 сакавіка. Чакаецца, што ў іх возьмуць удзел баявыя і дапаможныя караблі Корпуса вартавых Ісламскай рэвалюцыі Ірана, а таксама ВМС Расеі і Кітая.

Mehr адзначае, што гэта ўжо не першыя такія вучэнні Ірана, РФ і КНР. Аналагічныя вучэнні праходзілі ў 2019, 2022, 2023 і 2024 гадах.

Мінабароны РФ аб'явіла аб старце супольных з Кітаем і Іранам вайскова-марскіх вучэнняў «Марскі пас бяспекі-2025». Расейскую старану на вучэннях у Індыйскім акіяне прадстаўляюць карветы "Резкій", "Герой РФ Алдар Цыдэнжапаў", а таксама сярэдні марскі танкер "Печанга" Ціхаакіянскага флоту", заявілі ў міністэрстве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]